د بغلان مرکز کې د ۳۰ ورزشکارانو ترمنځ د سیمه ییزې پهلوانۍ سیالۍ ترسره شوې
د بغلان ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت مرکز پلخمري ښار په ورزشي سټېډیوم کې د ۳۰ ورزشکارانو ترمنځ د سیمه ییزې پهلوانۍ سیالۍ ترسره شوې، چې یوه ورځ یې دوام وکړ.
د دغو سیالیو په پایله کې ۱۵ ورزشکارانو خپلو سیالانو ته په ماتې ورکولو سره بریاوې او لومړي مقامونه یې خپله کړل.
د یادو سیالیو موخه ورزش ته د ځوانانو هڅول او ورزشکارانو ترمنځ سالمه ورزشي فضا رامنځته کول و، د سیالیو په پای کې غوره ورزشکارانو ته چمتو شوې ډالۍ ورکړل شوې.
