د المپیک د ملي کمېټې او د بدني روزنې او ورزش رياست مشر ډاکټر حفيظ الله ولي رحيمي نن پخپل کاري دفتر کې د لامبو وهلو د ملي لوبډلې لوبغاړو سره وليدل.
د المپیک د ملي کمېټې او د بدني روزنې او ورزش رياست مشر ډاکټر حفيظ الله ولي رحيمي نن پخپل کاري دفتر کې د لامبو وهلو د ملي لوبډلې لوبغاړو سره وليدل. ملي لامبوزنانو تازه په قزاقستان کې لس ورځنی تمريناتي کمپ پای ته رسولی. ښاغلي رحيمي لوبغاړو ته وويل هغه څه مو چې په ياد لس ورځني کمپ کې زده کړي پرې کار وکړئ ترڅو په راتلونکو بهرنيو سيالیو کې درته ګټور ثابت شي. له دې سربېره د ملي کمېټې او ورزش رياست مشر له لوبغاړو سره د لانورو همکاريو ژمنه هم وکړه. د يادولو ده چې د ليدنې په پای کې لوبغاړو ښاغلي رحيمي ته د افغانستان نقشه هم ډالۍ کړه.
