د افغانستان والیبال ملي لوبډله د مرکزي اسیا زون اتلانو سیالیو ته د ګډون په موخه ازبکستان هېواد ولاړه
د افغانستان والیبال ملي لوبډله د مرکزي اسیا زون اتلانو سیالیو ته د ګډون په موخه، چې د اکټوبر د ۱٨ نېټې څخه تر ۲۵ نېټې پورې د ازبکستان هېواد په تاشکند ښار کې ترسره شي ولاړه.
په دغو سیالیو کې د افغانستان، ازبکستان، ترکمنستان، قرغیزستان، نیپال، مالدیف، سرېلانکا، بنګلادېش او د بوتان هېوادونو لوبډلو ترمنځ ترسره شي.
د یادونې وړ دی، چې د دغو سیالیو د ښه چمتووالي لپاره د افغانستان والیبال ملي لوبډلې د هېواد والیبال مشر روزونکي تر څارنې لاندې یوه میاشت تمرینات ترسره کړل.
