د افغانستان د زورخانه یي پهلواني ورزش کارانو په نړۍوالو لوبو کې درېیم مقام خپل کړ
د افغانستان د زرو خانه يي پهلواني سياليو ورزش کارانو د يادې رشتې د سياليو په دوام کې چې له دوو ورځو راهیسې د ایران په اصفهان ښار کې د ٢١ هېوادونو ترمنځ پیل شوې وې، درېيم مقام خپل کړ.
په دغو سياليو کې شپږ افغان لوبغاړو ګډون کړی و، چې له یوې اوونۍ تمریناتو وروسته يې د بېلابېلو هېوادونو له ورزش کارانو سره سیالي ترسره کړې او په پای کې یې پنځو تنو په ټیمي سبک او يو تن يې په انفرادي سبک کې درېیم مقام خپل کړ.
د یادونې وړ ده، چې په دغو سياليو کې د ایران ورزش کارانو لومړی، آذربايجان دویم او افغانستان درېیم مقام خپل کړ.
