کندز؛ قلعه ذال ولسوالۍ کې د شپږو لوبډلو ترمنځ د والیبال سیالۍ پای ته ورسېدې
د کندز ولایت د بدني روزنې او ورزش ریاست اړوند د والیبال فدراسیون د استازولي له لوري د یاد ولایت په قلعه ذال ولسوالۍ کې د شپږو لوبډلو ترمنځ د والیبال سیالۍ د کندز ټاکنیزې لوبډلې په اتلولي پای ته ورسېدې.
د دغو سیالیو پایلوبه د کندز ټاکنیزې او د بلخ ولایت د کلدار ولسوالۍ لوبډلو ترمنځ ترسره شوه، چې په پایله کې یې د کندز ټاکنیزې لوبډلې د ۳۱ پر ۲۲ نمرو په توپیر خپلې سیالې لوبډلې ته ماتې ورکړه او اتلولي یې خپله کړه.
دا سیالۍ د سیمې د ځوانانو لپاره د سالمې تفرېح او ورزش ته د ځوانانو د هڅولو په موخه ترسره شوې، چې یوه شپه یې دوام وکړ.
