دکمال خان بند د پرانیستې په ویاړ د شیخ زاید پوهنتون کې د والیبال سیالۍ په لاره واچول شوې
پرون سه شنبې ورځ دشیخ زاید پوهنتون محصلانو چارو معاونیت د دولسو پوهنځیو ترمنځ د کمال خان بند د خوشالیو لمانځلو په مناسبت د والیبال سیالۍ پیل شوې . د خوست د بدنی روزنی او سپورت د معلوماتو سره سم د یادو سیالیو ټاس اچوونه کې دشیخ زاید پوهنتون د محصلانو چارو مرستیال، اداري مرستیال، دپوهنځیو رئیسانو، استادانو سر بیره د خوست ولایت د ورزشي امریت امر هم ګډون درلود، چې د اقتصاد او ادبیاتو پوهنځیو ټیمونو ترمنځ د لوبو سیالي پیل شوه.
په پیل کې دمحصلانو چارو مرستیال پوهنیار محمدداود بابکرخیل د کمال خان بند د ارزښت او د اوبو مدیریت په تړاوو خبرې وکړې او زیاته یې کړه، چې افغانان نن یو لوی ملي ارمان ته په رسیدو دي، ښاغلی بابکرخیل وویل چې ددې بند په جوړیدو سره به افغانستان په یوه رښتوني زراعتي هیواد بدل شي او د هیواد اقتصاد به نور هم پیاوړی شي.
ورپسي دخوست ولایت د ورزش امر ښاغلي عزیز ملنګ دکمال بند په پرانیستو خوښي څرګنده کړه او د مبارکۍ ترڅنګ یې محصلینو ته د ورزش اړوند ګټې هم بیان کړې.
