دایکندي؛ پاتو ولسوالۍ کې د شپږو لوبډلو ترمنځ د رسۍ کشولو سیالۍ ترسره شوې
د دایکندي ولایت د بدني روزنې او ورزش امریت اړوند د ملي او دودیزو لوبو مدیریت له لوري د یاد ولایت د پاتو ولسوالۍ په قخور سیمه کې د شپږو لوبډلو ترمنځ د رسۍ کشولو سیالۍ ترسره شوې.
د دغو سیالیو په پایله کې د طوفان لوبډلې د ۹ امتیازونو په ترلاسه کولو سره د اتلولۍ مقام خپل کړ.
د یادو سیالیو موخه سیمه ییزو لوبو ته وده ورکول و، چې یوه ورځ یې دوام وکړ.
د سیالیو په پای کې د ورزش مسوولینو له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
