دایکندي؛ مرکز کې د څلورو لوبډلو ترمنځ د واليبال سيالۍ د عقابان لوبډلې په اتلولۍ پاى ته ورسېدې
د دايکندي ولايت د بدني روزنې او ورزش امريت له لوري د ياد ولايت مرکز ناصر خسرو ورزشي جمنازيوم کې د څلورو لوبډلو ترمنځ د لوى اختر جام په نوم د واليبال سيالۍ د عقابان لوبډلې په اتلولۍ پاى ته ورسېدې.
دغو سياليو، چې درې ورځې دوام وکړ په پايله کې عقابان لوبډلې خپلې سيالې اتحاد مرکز لوبډلې ته د ٣/١ ميدانونو په توپير ماتې ورکړه او اتلولي يې خپله کړه.
د سياليو په پاى کې غوره لوبډلې او لوبغاړو ته چمتو شوې ډالۍ ورکړل شوې.
