دایکندي؛ اشترلي ولسوالۍ کې د ۱۲ لوبډلو ترمنځ د فوټبال سيالۍ پيل شوې
د دايکندي ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په اشترلي ولسوالۍ کې د ژمي او د نشه يي توکو په وړاندې د مبارزې جام په نوم د ۱۲ لوبډلو ترمنځ د فوټبال سيالۍ پيل شوې.
د دغو سياليو په لومړۍ لوبه کې افتخار پيشوګ لوبډلې خپلې سیالې ازادي مردک سنګ لوبډلې ته د ۳/۱ ګولونو په توپير ماتې ورکړه او لومړۍ بريا يې خپله کړه.
د يادو سياليو موخه په اشترلي ولسوالۍ کې د فوټبال ورزش ته وده ورکول دي، چې يوه اوونۍ به دوام وکړي.
