دایکندي؛ اتحاد شلغم لوبډله د خدیر ولسوالۍ د والیبال سیالیو اتلولي وګټله
د دایکندي ولایت د بدني روزنې او ورزش آمریت اړوند د والیبال فدراسیون د نمایندګي له لوري د یاد ولایت د خدیر او سنکتخت بندر ولسوالیو څخه د اتو لوبډلو ترمنځ د رمضان جام په نوم د والیبال سیالۍ چې یوه اوونۍ مخکې په شلغم سیمه کې پیل شوې وې، د اتحاد لوبډلې په اتلولي پای ته ورسېدې.
د یادو سیالیو پایلوبه د اتحاد شلغم او ستاره ګان سیاه چوب لوبډلو ترمنځ ترسره شوه، چې په پایله کې اتحاد شلغم لوبډلې د ۲/۳ میدانونو په توپیر خپلې سیالې لوبډلې ته ماتې ورکړه.
د یادو سیالیو پایلوبه د ټولنیزو ورزشونو وده، ورزش ته د ځوانانو هڅول، سالمه فضأ رامنځته کول او د اختر په ورځو کې د تفرېح برابرول ښودل شوي دي.
