خوست کې د ۶۵ لوبډلو ترمنځ د ټېپ بال کرکت سیالۍ پیل شوې
د خوست ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د یاد ولایت مرکز اړوند پنزايي سیمه کې د ۶۵ لوبډلو ترمنځ د پېپ بال کرېکټ سیالۍ پیل شوې.
د دغو سیالیو لومړۍ لوبه د زینت سټار او پنزايي زلمیانو لوبډلو ترمنځ ترسره شوه. پنزايي زلمیانو لوبډلې د لوبې پچه وګټله او لومړی یې د توپ وهنې پرېکړه وکړه چې په ټاکلږ نهو اورونو کې یې د خپلو درېیوو لوبغاړو په له لاسه ورکولو سره خپلې سیالې لوبډلې ته د ۱۹۶ منډو هدف وټاکه. زینت سټار لوبډلې د هدف په تعقیب کې د خپلو درېیوو لوبغاړو په له لاسه ورکولو سره ۱۳۴ منډې وکړې او لوبه یې د ۶۱ منډو په توپیر وبایلله.
دا سیالۍ د سیمې د ځوانانو ترمنځ د یووالي په موخه پیل شوي دي، چې دوې میاشتې به دوام وکړي.
