خوست کې د ۶۰ ورزشکارانو ترمنځ د پارکور ټاکنيزې سيالۍ ترسره شوې
د خوست ولايت د بدني روزنې او سپورټ امريت په همکارۍ د مرکز متون ښار په ملي اماني ورزشي لوبغالي کې د ۶۰ ورزشکارانو ترمنځ د پارکور ټاکنيزې سيالۍ ترسره شوې.
دغه سیالۍ چې په بېلابېلو عمري کټگوريو کې ترسره شوې، په پايله کې ۱۲ تنه غورو ورزشکاران د ياد ولايت منتخبې لوبډلې ته وټاکل شول.
ياده دې وي، چې د دغو سياليو په پای کې غوره ورزشکارانو ته مډالونه، ستاينليکونه او د اتلولۍ حکمونه ورکړل شول.
