خوست کې د ۱۶ کلونو کم عمره لوبغاړو ترمنځ د کرکټ شل اوریزو سیالیو پیل

خوس ولایت کې د ۱۶ کلونو د کم عمره ځوانانو ترمنځ د کرکټ شل اورېزې سیالۍ پیل شوې.

د کرکټ بورډ تر چتر لاندې د خوست کرکټ پرمختیایي ادارې د کلني پلان مطابق په دغه ولایت کې، تر ۱۶ کلنو د کم عمر لرونکو لوبغاړو ترمنځ د کرکټ شل اوریزې سیالۍ پیل شوې.

په یادو سیالیو کې د خوست ولایت تر شپاړلس کلنو کم عمره شپږ لوبډلې ( خوست A, خوست B, خوست C, خوست D , خوست E او خوست F) شتون لري، چې نږدې سل لوبغاړي پکې مدغم شوي او پوره نهه ورځې به دوام وکړي.

له یادو سیالیو موخه په یاد ولایت کې د کرکټ ودې او پراختیا ترڅنګ د ولایتي ۱۶ کلنې لوبډلې لپاره د وړ څهرو موندنه ده.