خوست کې د ۱۶ لوبډلو ترمنځ د والیبال سیالۍ پای ته ورسېدې
د خوست ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت مرکز اړوند لکڼو بدیخېلو سیمه کې د ۱۶ لوبډلو ترمنځ د والیبال سیالۍ د مندوزیو بلال لوبډلې په اتلولي پای ته ورسېدې.
د یادو سیالیو پایلوبه د تڼیو الف او مندوزیو بلال لوبډلو ترمنځ ترسره شوه، چې په پایله کې یې مندوزیو بلال لوبډلې د ۳۱ پر ۱۵ نمرو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دا سیالۍ د خوست د قومونو د یووالي په موخه ترسره شوې، چې شل ورځې یې دوام وکړ او په پای کې غوره ورزشکارانو ته مډالونه او ستاینلیکونه ورکړل شول.
