خوست کې د لسو لوبډلو ترمنځ د ټېپ بال کرېکټ سیالۍ پیل شوې
د خوست ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولایت مرکز متون ښار اړوند ډنډاپانو سیمه کې د لسو لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د زاهد روښان او نعیم جان لوبډلو ترمنځ ترسره شوه. د لوبې پچه زاهد لوبډلې وګټله او لومړی یې توپوهنه وکړه، چې په ټاکلو لسو اورونو کې یې د یوې ویکټې په زيان سره خپلې سیالې لوبډلې ته د ١٧٣ منډو هدف وټاکه. نعیم لوبډلې د هدف په تعقیب کې د ټولو ویکټو په زیان ٦٠ منډې وکړې د ١١٢ منډو په توپیر یې د سیالیو لومړۍ لوبه وبایلله.
دا سیالۍ د ځوانانو لپاره د سالمې تفرېح په موخه پیل شوي دي، چې یوه میاشت به دوام وکړي.
