خوست: ننګرهار لوبډله دختیځ او سويل ختيځ زون د فوټبال اتلولي وګټله
د خوست ولايت په استازيتوب د افغانستان اتلانو ليګ ته د تلو مقدماتي سياليو کې د ننګرهار لوبډله د ختيځ او جنوب ختيځ زون د فوټبال سياليو اتلولي خپله کړه.
دغه ټورنمنټ چې يوه اونۍ وړاندې پيل شوى وه د ختيځ او جنوب ختيځ زون لوبډلې پکې ولوبېدې چې له پکتيا اتحاد، ننګرهار لوبډله، نورستان پارونز، ميدان وردګ استقلال، خوست اسمعيل خېل کاروان او د لغمان خراسان لوبډلو پکې ګډون درلود.
په دغو سياليو کې ننګرهار ١٣ امتيازونه، پکتيا اتحاد ١٠، لغمان خراسان ٩، خوست اسمعيل خېل ٩، ميدان وردګ ٣او نورستان پارونز کلپ صفر امتيازونه ترلاسه کړل.
شفق د ننګرهار لوبډلې د ١٢ ګولونو په وهلو سره د ټورنمنټ غوره لوبغاړى او رشيد حکيمي د ننګرهار لوبډلې د غوره ګول ساتونکى ونومول شو.
