خوست؛ ګربزو ولسوالۍ کې د لسو لوبډلو ترمنځ د ټېپ بال کرېکټ سیالۍ پیل شوې
د خوست ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولایت په ګربزو ولسوالۍ کې د لسو لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د ځوان زلمیو او شیرشي اتلانو لوبډلو ترمنځ ترسره شوه. د لوبې پچه ځوان زلمیو لوبډلې وګټله او لومړی یې توپوهنه وکړه، چې په ټاکلو اتو اورونو کې یې د څلورو ویکټو په زيان سره خپلې سیالې لوبډلې ته د ١٤٨ منډو هدف وټاکه. شیرشي اتلانو لوبډلې د هدف په تعقیب کې په اتو اورنو کې د شپږو ویکټو په زيان ١٠٠ منډې وکړې او د ٤٧ منډو په توپیر یې د سیالیو لومړۍ لوبه وبایلله.
دا سیالۍ ورزش ته د ځوانانو د هڅولو په موخه پیل شوې دي، چې یوه میاشت به دوام وکړي.
