خوست؛ ځاځي میدان ولسوالۍ کې د ٢٤ لوبډلو ترمنځ د ټېپ بال کرکټ سیالۍ پای ته ورسېدې
د خوست ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د ياد ولايت د ځاځي میدان ولسوالۍ اړوند اکاکلي سیمه کې د ٢٤ لوبډلو ترمنځ د ټېپ بال کرکټ سیالۍ د دڼیو لوبډلې په اتلولي پای ته ورسېدې.
د یادو سیالیو پایلوبه د دڼیو او اکاخېلو لوبډلو ترمنځ ترسره شوه. د لوبې دڼیو لوبډلې وګټله او لومړی یې د توپ وهنې پرېکړه وکړه چې په ټاکلو لسو اورونو کې یې د خپلو اوو لوبغاړو په له لاسه ورکولو سره خپلې سیالې لوبډلې ته د ١١٧ منډو هدف وټاکه. اکاخېلو لوبډلې د خپلو اتو لوبغاړو په له لاسه ورکولو سره ٩٩ منډې وکړې او د ١٨ منډو په توپیر یې سیالۍ وبایلله.
یادې سیالۍ ورزش ته د ځوانانو د هڅولو او سالمې تفرېح برابرولو په موخه ترسره شوې چې یوه میاشت يې دوام وکړ او په پای کې غوره لوبغاړو ته مډالونه او نورې ډالۍ ورکړل شوې.
