خوست؛ په متون ښار کې د ۵۵ لوبډلو ترمنځ د فوټبال سيالۍ پای ته ورسېدې
د خوست ولايت د بدني روزنې او ورزش امريت اړوند د فوټبال فدراسيون د استازولۍ له لوري د مرکز متون ښار په چيغۍ کلي کې د ۵۵ لوبډلو ترمنځ د فوټبال سيالۍ، چې شاوخوا درې مياشتې مخکې پيل شوې وې، د سحين الله لوبډلې په اتلولۍ پای ته ورسېدې.
د يادو سياليو پايلوبه د سحين الله او رسول خان ايوب خېلو لوبډلو ترمنځ ترسره شوه، چې په ټاکلي وخت سيالۍ ۰/۰ مساوي پای ته ورسېده، خو په پنالټيانو کې سحين الله لوبډلې خپلې سيالې لوبډلې ته د ۴ پر ۳ ميدانونو په توپير ماتې ورکړه او اتلولي يې په خپل نوم کړه.
