خوست؛ لنډۍ لمر لوبډلې د پوليسو او عوامو ترمنځ د همغږۍ په نوم د فوټبال سياليو اتلولي وگټله
د خوست ولايت د بدني روزنې او سپورټ امريت په همغږۍ او د کورنيو چارو وزارت د ورزشي کمېټې له لوري د ياد ولايت په مرکز مرمنډۍ خپلواک ميدان کې د ۴۰ لوبډلو ترمنځ د پوليسو او عوامو ترمنځ د همغږۍ په نوم د فوټبال سيالۍ د لنډۍ لمر لوبډلې په اتلولۍ پای ته ورسېدې.
د يادو سياليو په پايلوبه کې لنډۍ لمر لوبډلې سيالې مرمنډۍ خپلواک لوبډلې ته د ۰/۱ گول په توپير ماتې ورکړه او اتلولي يې خپله کړه.
دغه سیالۍ چې شاوخوا يوه مياشت يې دوام وکړ، په پای کې اتلې لوبډلې ته خوسی او غوره لوبغاړو ته بېلابېلې چمتو شوې ډالۍ ورکړل شوې.
د يادونې وړ ده، چې په يو لړ مراسمو کې ريبار هڅاند د کورنيو چارو وزارت د خوست برخې ورزشي مسؤل په توکه وټاکل شو.
