هلمند، مرکز لښکرګاه کې د ۱۲ لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش آمریت اړوند د فوټبال فدراسیون د استازولۍ له لوري د ياد ولايت مرکز لښکرګاه ښار کې د ١٢ لوبډلو ترمنځ د فوټبال سیالۍ د بولان ځوانانو لوبډلې په اتلولي پای ته ورسېدې.
د دغو سیالیو پایلوبه د بولان ځوانانو او امید جاویدانو لوبډلو ترمنځ پرته له ګول وهلو مساوي شوه خو په پنالټیو کې بولان ځوانانو لوبډلې د ٤/٣ ګولونو په توپیر خپلې سیالې امید جاویدانو لوبډلې ته ماتې ورکړه او اتلولي یې وګټله.
دا سیالۍ د هلمند ولایت د فوټبال لیګ سیالیو ته د چمتووالی په موخه ترسره شوې، چې یوه میاشت یې دوام وکړ.
