خوست؛ د ۲۰ لوبډلو ترمنځ د والیبال سیالۍ د عبدالله لوبډلې په اتلولۍ پای ته ورسېدې
د خوست ولایت د ورزش ادارې په همغږۍ ددې ولایت د مرکز اړوند د لکڼو په کوړیانو سیمه کې د ۲۰ لوبډلو ترمنځ د والیبال سیالۍ، چې ۲۰ ورځې وړاندې پیل شوې وې؛ د عبدالله لوبډلې په اتلولۍ پای ته ورسېدې.
ددې لوبلړۍ پایلوبه د عزیز او عبدالله لوبډلو ترمنځ ترسره شوه، چې د عبدالله لوبډلې وکولای شول، دا ټورنامینټ 2/0 په خپل نوم کړي.
ددې ټورنمنټ موخه د غوره لوبغاړو موندل و، چې تر پایلوبې
وروسته ګټونکو لوبډلو ته کپونه او ډالۍ هم ورکړل شوې.
