خوست؛ د فوټسال رمضان جام سیالیو په دوام دوې لوبې ترسره شوې
د خوست اماني ملي لوبغالي ترڅنګ په سرپټي میدان کې د فوټبال فدراسیون له لوري په لمړي ځل د فوټسال پیل شویو رمضان جام سیالیو پر دوام دوې سیالۍ ترسره شوې.
په لومړۍ سیالۍ کې معلم جان کلب لوبډلې کلوب ځوانانو ته په ۵-۳ ګولونو ماتې ورکړه.
په دویمه سیالۍ کې اکاډمۍ کلب لوبډلې له مټه چینې لوبډلې څخه د ۶-۳ ګولونو په توپیر بریا خپله کړه.
هېره دې نه وي چې د فوټسال په نوموړي ټورنمنټ کې ۲۴ لوبډلو ګډون کړی او تر راتلونکي کوچني اختره به دوام وکړي.
