خوست؛ ترېزیو علیشېرو ولسوالۍ کې د ۵۰ لوبډلو ترمنځ د والیبال سیالۍ پیل شوې
د خوست ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت د تریزیو علیشیرو ولسوالۍ په تورو اوبو سیمه کې د ۵۰ لوبډلو ترمنځ د والیبال دویم پړاو سیالۍ پیل شوې.
د دغو سیالیو لومړۍ لوبه د لټکو اجمل او ترکیو رقیب لوبډلو ترمنځ ترسره شوه، چې په پایله کې د وخت د کمښت له امله لوبه مساوي پای ته ورسېده.
یادې سیالۍ د ځوانانو د یووالي په موخه پیل شوي دي، چې دوې میاشتې به دوام وکړي.
