خوست؛ اسماعیل خېلو مندوزیو ولسوالۍ کې دڅلورو لوبډلو ترمنځ د والیبال سیالۍ ترسره شوې
د خوست ولایت د بدني روزنې او ورزش آمریت له لوري د یاد ولایت په اسماعیل خېلو مندوزیو ولسوالۍ کې د څلورو لوبډلو ترمنځ د والیبال سیالۍ د اسماعیل خېلو منتخبې لوبډلې په اتلولي پای ته ورسېدې.
د یادو سیالیو پایلوبه کې اسماعیل خېلو منتخبې لوبډلې د ۲ پر صفر میدانونو په توپیر خپلې سیالې مندوزیو منتخبې لوبډلې ته ماتې ورکړه او اتلولي یې وګټله.
دا سیالۍ په درویخېلو کلي کې د والیبال لوبغالي د پرانیستې په موخه ترسره شوې، چې یوه ورځ یې دوام وکړ.
