جوزجان کې د فولرزم ټاکنیزې سیالۍ پای ته ورسېدې
د جوزجان ولایت د بدني روزنې او ورزش امریت اړوند د فولرزم ملي فدراسیون د استازولۍ له لوري د یاد ولایت په مرکز شبرغان ښار کې د ۳۲ ورزشکارانو ترمنځ د فولرزم اتم پړاو ټاکنیزې سیالۍ پای ته ورسېدې.
دغه سیالۍ د ورزشکارانو ترمنځ په بېلا بېلو کټګوریو کې ترسره شوې، چې په پایله کې ۱۵ تنه ورزشکاران د یاد ولایت د فولرزم منتخبې لوبډلې ته وټاکل شول.
د یادو سیالیو موخه د جوزجان ولایت منتخبې لوبډلې ته د غوره ورزشکارانو موندل و، چې یوه ورځ یې دوام وکړ.
د سیالیو په پای کې د ورزش مسوولینو له لوري غوره لوبغاړو ته ورزشي ډالۍ ورکړل شوې.
