جوزجان ؛ خواجه دوکوه ولسوالۍ کې د اتو لوبډلو ترمنځ د فوټسال سیالۍ پای ته ورسېدې
د جوزجان ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په خواجه دوکوه ولسوالۍ کې د اتو لوبډلو ترمنځ د فوټسال سیالۍ، چې یوه اوونۍ مخکې پيل شوې وې د شاهین کلب لوبډلې په اتلولۍ پای ته ورسېدې.
د دغو سیالیو په پایلوبه کې د شاهین کلب لوبډلې خپلې سیالې فیضي کلب لوبډلې ته د ۴/۲ ګولونو په توپیر ماتې ورکړه او اتلولي یې خپله کړه.
د یادو سیالیو موخه د فوټسال ورزش د ځوانانو هڅوول او خلکو ته یوه سالمه تفرېح برابرول و.
د سیالیو په پای کې غوره لوبډلې ته د اتلولۍ جام او نغدي ډالۍ او غوره ورزشکارانو ته بېلا بېلې ورزشي ډالۍ ورکړل شوې.
