جوزجان؛ مرکز شبرغان ښار کې د ۲۰ ورزشکارانو ترمنځ د سنوکر سیالۍ پای ته ورسېدې
د جوزجان ولایت د بدني روزنې او ورزش امریت اړوند د سنوکر ملي فدراسیون د استازولۍ له لوري د یاد ولایت مرکز شبرغان ښار کې د رمضان جام په نوم له لس کلبونو څخه د ۲۰ ورزشکارانو ترمنځ د سنوکر سیالۍ، چې یوه اونۍ مخکې پيل شوې وې پای ته ورسېدې.
د دغو سیالیو پایلوبه له وي ای پي کلب څخه عبدالخالق مخلص او له جوزجان کلب څخه نصیر احمد مرداني ترمنځ ترسره شوه، چې په پایله کې عبدالخالق مخلص له پنځو فریمونو څخه درې فریمونو کې اتلولي خپله کړه.
د یادو سیالیو موخه د سنوکر ورزش ته وده ورکول او د ځوانانو هڅوول و؛ د سیالیو په پای کې غوره ورزشکارانو ته کپ، مډالونه او د اتلولۍ حکمونه ورکړل شول.
