جوزجان؛ مرکز شبرغان ښار کې د اتو لوبډلو ترمنځ د فوټسال سیالۍ پای ته ورسېدې
د جوزجان ولایت د بدني روزنې او ورزش امریت اړوند د فوټبال فدراسیون د استازولۍ په همکاري او د حمزه ورزشي کمپلکس له لوري د ياد ولايت مرکز شبرغان ښار کې د اتو لوبډلو ترمنځ د فوټسال سیالۍ، چې درې اوونۍ مخکې پیل شوې وې، د استقلال کلب لوبډلې په اتلولي پای ته ورسېدې.
د دغو سیالیو پایلوبه د استقلال کلب او سهراب کلب لوبډلو ترمنځ ترسره شوه، چې په پایله کې یې استقلال کلب لوبډلې د ٤/٠ ګولونو په توپیر خپلې سیالې لوبډلې ته ماتې ورکړه او اتلولي یې خپله کړه.
د یادو سیالیو موخه په کلیو کې ورزش ته وده ورکول او د ورزشکارانو ترمنځ یووالی ښودل شوی دی.
