جوزجان؛ اقچه ولسوالۍ کې د ۶۰ ورزشکارانو ترمنځ د سیمه ییزې غېږنیونې سیالۍ وشوې
د جوزجان ولایت د بدني روزنې او ورزش امریت اړوند د ملي او سیمه ییزو لوبو مدیریت له لوري د یاد ولایت په اقچه ولسوالۍ کې د ۶۰ ورزشکارانو ترمنځ د سیمه ییزې غېږنیونې سیالۍ وشوې.
د دغو سیالیو په پایله کې ۳۰ ورزشکارانو خپلو سیالانو ته په ماتې ورکولو سره بریاوې او د اتلولۍ مقامونه خپل کړل.
د یادو سیالیو موخه د دودیزو لوبو ته وده ورکول و، چې یوه ورځ یې دوام وکړ.
