تمیم اقبال له نړيوال کرېکټ سره مخه ښه وکړه
د بنګلدېش کرېکټ ملي لوبډلې لوبغاړي او پخواني لوبډلمشر تمیم اقبال له هر ډول نړیوال کرېکټ څخه استعفاء وکړه.
پنځهدېرش کلن اقبال، د بنګلدېش په ګټه، ۷۰ ټېسټ، ۲۴۳ یو ورځنۍ او ۷۸ شل اوریزې لوبې کړي.
نوموړی د ۱۵۱۹۲ منډو په جوړولو تر مشفقالرحیم وروسته دویم لوبغاړی دی، چې د بنکلدېش کرېکټ په تاریخ کې تر ټولو ډېرې منډې لري.
د یادونې وړ ده، چې د بنګلدېش دغه لوبغاړي د ۲۰۲۳میلادي کال په جولای میاشت کې هم له نړيوال کرېکټ سره مخه ښه کړې وه؛ خو هغه مهال د بنګلدېش صدراعظمې په غوښتنه بېرته نړيوال کرېکټ ته را ستون شو.
