تخار؛ کلفګان ولسوالۍ کې د ۳۰ ورزشکارانو ترمنځ د تیږې اچولو سیالۍ وشوې
د تخار ولایت د بدني روزنې او ورزش امریت له لوري د یاد ولایت په کلفګان ولسوالۍ کې د ۳۰ ورزشکارانو ترمنځ د تیږې اچولو سیالۍ وشوې، چې یوه ورځ یې دوام وکړ.
د دغو سیالیو په پایله کې نجیب الله د زیاتو امتیازونو په ترلاسه کولو سره لومړی او ګل محمد بیا دویم مقام خپل کړ.
د یادو سیالیو موخه په کلفګان ولسوالۍ کې سیمه او دودیزو لوبو ته وده ورکول و؛ د سیالیو په پای کې غوره ورزشکارانو ته چمتو شوې ډالۍ ورکړل شوې.
