تخار؛ مرکز تالقان ښار کې د ۷۰ ورزشکارانو ترمنځ د ووشو سیالۍ ترسره شوې
د تخار ولایت د بدني روزنې او ورزش امریت اړوند د ووشو فدراسیون د استازولۍ له لوري د یاد ولایت مرکز تالقان ښار کې د ۷۰ ورزشکارانو ترمنځ د ووشو سیالۍ ترسره شوې.
دا سیالۍ د تنکیو ځوانانو، نویو ځوانانو، ځوانانو او مشرانو ورزشکارانو په عمري کټګوریو کې ترسره شوې، چې په پایله کې یې ۳۵ تنو خپلو سیالانو ته په ماتې ورکولو سره بریاوې خپلې کړې.
دغه سیالۍ له ملي لوبو څخه د مډال راوړونکو ورزشکارانو د تشویق او تقدیر په موخه ترسره شوې، چې یوه ورځ یې دوام وکړ.
