تخار؛ مرکز تالقان ښار کې د ۵۰ پهلوانو ترمنځ د سيمه ييزې غېږنيونې سيالۍ ترسره شوې
د تخار ولايت د بدني روزنې او ورزش امريت اړوند د ملي او دوديزو لوبو مديريت له لوري د ياد ولايت د مرکز تالقان ښار په ترمهبايي کلي کې د ۵۰ پهلوانو ترمنځ د سيمه ييزې غېږنيونې سيالۍ ترسره شوې.
د دغو سياليو په پايله کې ۲۵ تنو پهلوانانو خپلو سيالانو ته په ماتې ورکولو سره برياوې خپلې کړې او د نغدي ډاليو ګټونکي شول.
د يادو سياليو موخه د پهلواني ورزش ته وده ورکول او د ځوانانو ترمنځ يووالی رامنځته کول و، چې يوه ورځ يې دوام وکړ.
