تخار؛ فرخار ولسوالۍ کې د ۷۰ ورزشکارانو ترمنځ د رزمي لوبو WKF سبک سيالۍ ترسره شوې
د تخار ولايت د بدني روزنې او ورزش امريت اړوند د رزمي لوبو ملي فدراسيون د استازولۍ له لوري د ياد ولايت په فرخار ولسوالۍ کې د ۷۰ ورزشکارانو ترمنځ د رزمي لوبو WKF سبک سيالۍ ترسره شوې.
دغه سيالۍ، چې د تک فايټ په ډول ترسره شوې، په پايله کې ۳۵ تنو ورزشکارانو لومړی او د اتلولۍ مقامونه ترلاسه کړل.
د يادو سياليو موخه د رزمي لوبو WKF سبک ته وده ورکول و، چې يوه ورځ يې دوام وکړ.
د سياليو په پای کې غوره ورزشکارانو چمتو شوې ډالۍ ورکړل شوې.
