بلخ کې د شپږو لوبډلو ترمنځ د فوټسال سيالۍ د ياران ظريف لوبډلې په اتلولۍ پای ته ورسېدې
د بلخ ولايت د بدني روزنې او ورزش رياست اړوند د فوټبال ملي فدراسیون د استازولۍ له لوري د ياد ولايت په مرکز مزارشريف ښار کې د شپږو لوبډلو ترمنځ د فوټسال سيالۍ د ياران ظريف لوبډلې په اتلولۍ پای ته ورسېدې.
د دغو سياليو په پايلوبه کې ياران ظريف لوبډلې خپلې سیالې کوه نور لوبډلې ته د ۵/۱ ګولونو په توپير ماتې ورکړه او اتلولي يې خپله کړه.
د يادو سياليو موخه د فوټسال لوبو ته وده ورکول او د لوبغاړو ترمنځ يووالی رامنځته کول و، چې يوه ورځ يې دوام وکړ.
د سياليو په پای کې د بلخ ورزشي رياست له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
کابل، د بدني روزنې او ورزش ٢٥٠٠ کسیز ورزشي جمنازیوم