بلخ؛ چاهي ولسوالۍ کې د شپږو لوبډلو ترمنځ د والیبال سیالۍ پای ته ورسېدې
د بلخ ولایت د بدني روزنې او ورزش ریاست اړوند د والیبال فدراسیون د استازولۍ له لوري د چاهي ولسوالۍ په ايلبولدي کلي کې د شپږو لوبډلو ترمنځ د والیبال سیالۍ د چهل چراغ لوبډلې په اتلولۍ پای ته ورسېدې.
د دغو سیالیو په پایلوبه کې چهل چراغ لوبډلې خپلې سیالې شاهين لوبډلې ته د ۱ پر ۰ میدان په توپير ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول، ورزش ته د ځوانانو هڅول او لوبغاړو ته د يوې سالمې تفريح برابرول وو، چې یوه ورځ یې دوام وکړ.
