بلخ؛ په مزار شريف ښار کې د ۵۰ چاپندازانو ترمنځ د وزلوبې سيالۍ ترسره شوې
د بلخ ولايت د بدني روزنې او ورزش رياست اړوند د وزلوبې، فدراسیون د استازولۍ له لوري د ياد ولايت په مزار شريف ښار کې د ۵۰ چاپندازانو ترمنځ د وزلوبې سيالۍ ترسره شوې.
د دغو سياليو په پايله کې د ميدان د حکم له لوري درې اخراولاقه اعلان شول، چې لومړی اخراولاق ايشان روح الله پهلوان د حاجی عتيق الله انصاری په اس او دويم اخراولاق ګلبدين پهلوان د شمس الحق ناصري په اس او درېيم اخراولاق صمد پهلوان د يما پطروليم په اس د حلالې تر دايرې ورسول او د سياليو گټونکي شول.
د يادولو وړ ده، چې د دغو سياليو موخه د یاد ولایت غوره لیګ ته د چاپندازانو لا ښه چمتووالی او د ياد ولايت وگړو لپاره د سالمې تفريح برابرول وو، چې يوه ورځ يې دوام وکړ.
