بلخ؛ مزارشریف کې د نهه ولایتونو ترمنځ د وزلوبې سیالۍ ترسره شوې
د بلخ ولایت د بدني روزنې او ورزش ریاست په همغږي د یاد ولایت د وزلوبې فدراسیون له لوري په مزار شریف ښار کې د حاجي مقیم بای په لوبغالي کې د نهه ولایتونو ترمنځ د وزلوبې سیالۍ ترسره شوې.
په دغو سیالیو کې له بدخشان، تخار، کندز، بغلان، سمنگان، بلخ، سرپل، جوزجان او فاریاب ولایتونو څخه له ۲۰۰ زیاتو چاپ اندازانو ګډون کړی دی، چې نن په ټوله ورځ کې دوه نمرې د بلخ ولایت عبدالصمد له لوري ترلاسه شوې او ټاکل شوې ډالۍ یې ترلاسه کړې.
په دغو سیالیو کې د بلخ د بدني روزنې او ورزش رئیس مولوي نور علم بدر، د افغانستان د وزلوبې، نېزه وهنې او سیمه ييزو لوبو فدراسیون رئیس غلام سرور جلال، د ولایتونو د وزلوبې د فدراسیونونو استازو او له ۳۰ زرو څخه زیاتو مینوالو ګډون کړی و.
ټاکل شوې، چې د دغو سیالیو پاتې لوبې ب
ه سبا شنبه سهار ۹ بجې ترسره شي.
د یادونې وړ ده، چې په پای کې د لومړي آخرلاق ګټونکي ته یو اوښ او نغدې پیسې او د دویم آخرلاق ګټونکي ته یو عراده موټر د ډالۍ په توګه ټاکل شوی دی.
