بلخ؛ مرکز مزار شریف کې د ۱۲۰ پهلوانانو ترمنځ د پهلوانۍ سیالۍ ترسره شوې
د بلخ ولایت د بدني روزنې او ورزش ریاست اړوند د پهلوانۍ ملي فدراسیون د استازولۍ له لوري د یاد ولایت د مرکز مزار شریف په استقلال پروژه کې د ۱۲۰ پهلوانانو ترمنځ د سیمه ییزې پهلوانۍ سیالۍ ترسره شوې.
د دغو سیالیو په پایله کې ۸۰ پهلوانانو ترمنځ لوبې مساوي او ۴۰ تنو پهلوانانو بیا خپلو سیالانو ته په ماتې ورکولو سره بریاې او لومړي مقامونه یې ترلاسه کړل.
د یادو سیالیو موخه سیمه ییزو او دودیزو لوبو ته وده ورکول او خلکو ته یوه سالمه تفرېح برابرول و، چې یوه ورځ یې دوام وکړ.
