بلخ؛ مرکز مزارشریف ښار کې د لس لوبډلو ترمنځ د والیبال سیالۍ پای ته ورسېدې
د بلخ ولایت د بدني روزنې او ورزش ریاست اړوند د والیبال فدراسیون د استازولۍ له لوري د ياد ولايت مرکز مزارشريف ښار کې د لسو لوبډلو ترمنځ د والیبال سیالۍ د قاري طيب لوبډلې په اتلولی پای ته ورسېدې.
د یادو سیالیو پایلوبه کې قاري طيب لوبډلې د یو پر صفر میدان په توپیر خپلې سیالې عقابان شمال لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو د هڅولو په موخه ترسره شوې، چې یوه شپه یې دوام وکړ.
