بلخ؛ شولګره ولسوالۍ کې د ۱۶ لوبډلو ترمنځ د فوټسال اختريز جام سيالۍ پای ته ورسېدې
د بلخ ولايت د بدني روزنې او ورزش رياست اړوند د فوټبال ملي فدراسیون د استازولۍ له لوري د ياد ولايت په شولګره ولسوالۍ کې د ۱۶ لوبډلو ترمنځ د فوټسال اختريز جام سيالۍ د جوانان تراوش لوبډلې په اتلولۍ پای ته ورسېدې.
د دغو سياليو په پايلوبه کې جوانان تراوش لوبډلې خپلې سیالې نوبهار لوبډلې ته د ۵/۲ ګولونو په توپير ماتې ورکړه او اتلولي يې خپله کړه.
د يادو سياليو موخه د فوټبال ورزش ته وده ورکول و، چې نهه ورځې يې دوام وکړ.
د سياليو په پای کې د ورزش مسوولينو له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
