بغلان کې د ۶۴ ورزشکارانو ترمنځ د رزمي لوبو فدراسیون د توان سبک دویم پړاو سیالۍ ترسره شوې
د بغلان ولایت د بدني روزنې او ورزش امریت په همکارۍ د یاد ولایت په مرکز کې د کابل، کندز، بدخشان، تخار او بغلان ولایتونو د ۶۴ ورزشکارانو ترمنځ د رزمي لوبو فدراسیون د توان سبک دویم پړاو سیالۍ ترسره شوې، چې یوه ورځ یې دوام وکړ.
د دغو سیالیو په پایله کې د بغلان ولایت ورزشکارانو د زیاتو امتیازونو په ترلاسه کولو لومړی، کابل ورزشکارانو دویم او د کندز ولایت ورزشکارانو بیا درېیم مقام ترلاسه کړ.
د یادو سیالیو موخه د رزمي لوبو فدراسیون د توان سبک ته وده ورکول او د ځوانانو هڅول و، د سیالیو په پای کې غوره ورزشکارانو چمتو شوې ډالۍ ورکړل شوې.
