بغلان؛ نهرین ولسوالۍ کې د اتو لوبډلو ترمنځ د والیبال حذفي سیالۍ د اتحاد نوین لوبډلې په اتلولي پای ته ورسېدې
د بغلان ولایت د بدني روزنې او ورزش آمریت اړوند د والیبال فدراسیون داستازولي له لوري د یاد ولایت په نهرین ولسوالۍ کې د نرین او برکه ولسوالیو د اتو لوبډلو ترمنځ د والیبال حذفي سیالۍ د اتحاد نوین لوبډلې په اتلولي پای ته ورسېدې.
د یادو سیالیو پایلوبه کې اتحاد نوین لوبډلې د ۳ پر ۲ میدانونو په توپیر خپلې سیالې شهر قدیم نهرین لوبډلې ته ماتې ورکړه او د سیالیو اتلولي یې وګټله.
دا سیالۍ د سیمې د ځوانانو لپاره د سالمې تفریح د برابرولو په موخه ترسره شوې او په پای کې غوره ورزشکارانو ته چمتو شوې ډالۍ ورکړل شوې.
