بغلان؛ جلګه ولسوالۍ کې د ۴۲ ورزشکارانو ترمنځ د تيږې اچونې سيالۍ ترسره شوې
د بغلان ولايت د بدني روزنې او ورزش امريت اړوند د ملي او دوديزو لوبو مديريت له لوري د یاد ولایت په جلګه ولسوالۍ کې د ۴۲ ورزشکارانو ترمنځ د تيږې اچونې سيالۍ ترسره شوې.
دغه سيالۍ چې يوه ورځ يې دوام وکړ، په پايله کې یې اکرام الدين لومړی، شکر الله دويم او ذبیح الله درېيم مقام ترلاسه کړ.
د يادو سياليو موخه ملي او دوديزو لوبو ته وده ورکول ښودل شوي و، چې په پای کې غوره ورزشکارانو ته مډالونه ورکړل شول.
