بدخشان کې د څوارلسو لوبډلو ترمنځ د فوټبال الف لیګ سیالۍ د شاهین لوبډلې په اتلولۍ پای ته ورسېدې
د بدخشان ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په مرکز فیض اباد کې د څوارلسو لوبډلو ترمنځ د فوټبال الف لیګ سیالۍ، چې یوه میاشت مخکې پيل شوې وې د شاهین لوبډلې په اتلولۍ پای ته ورسېدې.
د دغو سیالیو په پایلوبه کې شاهین لوبډلې خپلې سیالې نیرومند لوبډلې ته د ۴/۱ ګولونو په توپير ماتې ورکړه او اتلولي یې خپله کړه.
د یادو سیالیو موخه د بدخشان ولایت د فوټبال منتخبې لوبډلې ته د غوره لوبغاړو موندل و؛ د سیالیو په پای کې غوره لوبډلې او لوبغاړو ته چمتو شوې ډالۍ ورکړل شوې.
