بدخشان؛ خاش ولسوالۍ کې د ۵۰ چاپندازانو ترمنځ د وزلوبې سیالۍ پای ته ورسېدې
د بدخشان ولایت د بدني روزنې او ورزش امریت اړوند د وزلوبې، نېزه وهنې او دودیزو لوبو فدراسیون د استازولۍ له لوري د یاد ولایت په خاش ولسوالۍ کې له مرکز او ولسوالیو د ۵۰ چاپندازانو ترمنځ د وزلوبې سیالۍ، چې درې ورځې مخکې پيل شوې وې پای ته ورسېدې.
د دغو سیالیو په پایله کې له ارګو ولسوالۍ څخه نجیب مختار پهلوان، له بهارک ولسوالۍ څخه بصیر بابا شور پهلوان او له بهارک ولسوالۍ څخه غلام خدایي پهلوان د زیاتو امتیازونو په ترلاسه کولو سره بریاوې خپلې کړې.
د یادو سیالیو موخه د بدخشان ولایت چاپندازانو ترمنځ د وزلوبې ورزش ته وده ورکول و؛ د سیالیو په پای کې غوره چاپندازانو ته چمتو شوې ډالۍ ورکړل شوې
