بامیان کې د شپږو لوبډلو ترمنځ د فوټسال سيالۍ د ورس ولسوالۍ لوبډلې په اتلولۍ پای ته ورسېدې
د باميان ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز کې د فوټسال سيالۍ، چې اونۍ مخکې پیل شوې وې د ورس ولسوالۍ لوبډلې په اتلولۍ پای ته ورسېدې.
د دغو سياليو په پايلوبه کې ورس لوبډلې خپلې سیالې پنجاب لوبډلې ته د ۵/۴ ګولونو په توپير ماتې ورکړه او اتلولي يې خپله کړه.
په دغو سياليو کې اميد قنبري زياتو ګولونو وهونکی، علي رضا غوره ګول ساتونکی او نصير کامګار غوره لوبغاړی وپېژندل شو.
د يادو سياليو موخه په باميانو کې د فوټسال لوبو ته وده ورکول او د ځوانانو ترمنځ يووالی رامنځته کول و؛ د سياليو په پای کې د ورزش مسوولينو له لوري غوره لوبغاړو ته ورزشي ډالۍ ورکړل شوې.
