بامیان؛ مرکز کې د ۲۸ لوبډلو ترمنځ د فوټسال لومړی پړاو سيالۍ پيل شوې
د باميان ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت مرکز په اتحاد ورزشي جمنازيوم کې ۲۸ لوبډلو ترمنځ د فوټسال لومړی پړاو سيالۍ پيل شوې، چې ۲۲ ورځې به دوام وکړي.
د دغو سياليو په لومړۍ لوبه کې د بابا غره لوبډلې خپلې سیالې معدن لوبډلې ته د ۴/۱ ګولونو په توپير ماتې ورکړه او لومړۍ بريا يې خپله کړه.
د يادو سياليو موخه د فوټسال ورزش ته وده ورکول او ورزش ته د ځوانانو هڅول دي.
