بادغیس کې د اووه لوبډلو ترمنځ د فوټبال سیالۍ پيل شوې
د بادغيس ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري په یاد ولایت کې د اووه لوبډلو ترمنځ د فوټبال منتخبه لیګ سیالۍ پيل شوې.
د دغو سیالیو په پایلوبه کې ابکمري ولسوالۍ لوبډلې خپلې سیالې سنګ اتش لوبډلې ته د ۵/۰ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د یاد ولایت د فوټبال منتخبې لوبډلې ته د غوره لوبغاړو ټاکل او د ورزشکارانو ترمنځ یووالی رامنځته کول دي.
